National Curriculum Review Workshop Power Systems Engineering MSc in Energy Informatics MSc in Photonics and Optical Communication Engineering

  • MSc in Power Systems Engineering
  • MSc in Energy Informatics
  • MSc in Photonics and Optical Communication Engineering
በባህር ዳር ዩኒቨርሲቲ የባህር ዳር ቴክኖሎጂ ኢንስቲትዩት የኤሌክትሪካል እና ኮምፒዩተር ምህንድስና ፋኩልቲ አዲስ የድህረ ምረቃ ፕሮግራም ስርዓተ-ትምህርቶች ግምገማ አገር አቀፍ ወርክሾፕ አካሄደ
--------------------------------------
ፋኩሊቲዉ ሐምሌ 17/2013 ዓ.ም ባዘጋጀዉ ሃገራዊ ወርክሾፕ ሶስት የተለያዩ አዲስ የሁለተኛ ዲግሪ ፕሮግራም ስርዓተ-ትምህርቶችን ከተለያዩ ተቋማት በመጡ የዘርፉ ምሁራን አስገምግሟል፡፡ ከእነዚህም መካከል የፓወር ሲስተም ኢንጂነሪንግ ቼር “MSc in Power Systems Engineering” እና “MSc in Energy Informatics” የሚባሉ ፕሮግራሞችን ያስገመገመ ሲሆን የኮሙኒኬሽን ሲስተምስ ኢንጅነሪንግ ቼር ደግሞ “MSc in Photonics and Optical Communication Engineering” የሚባል ፕሮግራም ስርዓተ-ትምህርት አስገምግሟል፡፡
በመድረኮቹ የኢንስቲትዩቱ ማኔጅንግ ዳይሬክተር ዶ/ር ቢምረዉ ታምራትን ጨምሮ የፋኩልቲዉ ዲን አቶ ቴዎድሮስ ጌራ ፤ ሌሎች አመራሮች ፤ የስርአተ ትምህርት ቀረጻ ኮሚቴ አባላት እንዲሁም ተሳታፊዎች እና ከሌሎች ተቋማት የመጡ ገምጋሚዎች የተገኙ ሲሆን ዶ/ር ቢምረዉ የእንኳን ደህና መጣችሁ መልዕክት በማስተላለፍ ወርክሾፑን አስጀምረዋል፡፡
በፓወር ሲስተም ኢንጅነሪንግ ቼር ስር ለቀረቡት ፕሮግራሞች የስርዓተ-ትምህርት አዘጋጅ ኮሚቴ ተወካዮች ማብራሪያ ከሰጡ በኋላ የዘርፉ ምሁራን ዶ/ር ተሾመ ጎአ ከአዲስ አበባ ሳይንስና ቴክኖሎጂ ዩኒቨርሲቲ፤ ዶ/ር ተፈራ ተረፈ እና ዶ/ር ሚልኪያስ ብርሀኑ ከአዳማ ሳይንስና ቴክኖሎጅ ዩኒቨርሲቲ የያዟቸዉን የግምገማ ነጥቦች እና አስተያየቶች አንጸባርቀዋል፡፡
በተመሳሳይ በሌላ መድረክ የኮሙኒኬሽን ሲስተምስ ኢንጅነሪንግ ቼር ከባህር ዳር ዩኒቨርሲቲ የፊዚክስ ዲፓርትመንት ጋር በመተባበር ባቀረበዉ ስርዓተ-ትምህርት ላይ ዶ/ር ዘላለም ኃይሉ ከአዲስ አበባ ሳይንስና ቴክኖሎጂ ዩኒቨርሲቲ፤ ዶ/ር አበበ በላይ ከአዳማ ሳይንስና ቴክኖሎጅ ዩኒቨርሲቲ እንዲሁም አቶ ዘመነ ማርቆስ ከኢትዮ ቴሌኮም አዲስ አበባ አስተያትና ግምገማቸዉን አቅርበዋል፡፡
በመጨረሻም ስርዓተ-ትምህርቶቹ ተገቢዉን ሂደት ተከትለዉ የተቀረጹ መሆናቸዉን እና የፍላጎት ዳሰሳ ተካሂዶባቸዉ አስፈላጊነታቸዉ የተረጋገጠ መሆኑን መግባባት ላይ በመድረስ ኮሚቴዉ ከምሁራኑ ያገኛቸዉን ጠቃሚ አስተያየቶች ተጠቅሞ ማሻሻያ በማድረግ እና ቀሪ ሂደቶችን በማከናወን ፕሮግራሞቹን ለመጭዉ የትምህርት ዘመን ዝግጁ ለማድረግ እየተሰራ መሆኑን ለማወቅ ተችሏል::
images: 
Share