BiT SNAPSHOT

የባህር ዳር ቴክኖሎጂ ኢንስቲትዩት በባህር ዳር ዩኒቨርሲቲ አመራሮችና አዲስ የተማሪዎች ህብረት ተመራጮች የትውውቅ ፕሮግራም አካሄዱ

Body: 
ሚያዝያ 18/2013 በነበረው የትውውቅ ፕሮግራም ላይ የተገኙት የኢንስቲትዩቱ ሳይንቲፊክ ዳይሬክተር ዶ/ር ሰይፉ አድማሱ አዲስ ለተመረጡ የ2013 ዓ.ም. የትምህርት ዘመን የተማሪዎች ህብረት አባላት ለዚህ ትልቅ ሃላፊነት በመብቃታቸው እንኳን ደስ አላችሁ በማለት በሃላፊነታቸው ወቅትም የቀድሞው የህብረቱ አባላት ሲያከናውኗቸው የነበሩ መልካም ተሞክሮወችን በማስቀጠል እና ድክመቶቻቸውን አሻሽለው በመንቀሳቀስ በተማሪዎችና በሌሎች የተቋሙ ማህበረሰብ አባላት መካከል እንደ ድልድይ ሆነው እንደሚያገለግሉ ያላቸውን እምነት አጋርተዋል፡፡ በትውውቅ ፕሮግራሙ የኢንስቲትዩቱ ማኔጂንግ ዳይሬክተር፣ ሁሉም የፋኩልቲ ዲኖች፣ የተማሪወች አገልግሎት ዲን እና የቀድሞ የተማሪዎች ህብረት አመራሮች የተገኙ ሲሆን ከአዲስ የህብረቱ ተመራጮች ጋር ትውውቅ አድርገው በቀጣይ በትብብር ስለሚሰራባቸው ሂደቶች በመወያየት አቅጣጫዎችን አሳይተዋል፡፡
Share