BiTec በተለያየ መዕራፍ ያሠለጠናቸውን ተማሪዎች የፈጠራ ሐሳብ የማጣራት ሥራ አከናወነ

ጥራት ያላቸው የፈጠራ ሐሳቦችን ወደ ተግባር ለማስገባት የተቋቋመው በባሕር ዳር ዩኒቨርሲቲ የባሕር ዳር ቴክኖሎጂ ኢንስቲትዩት የቢዝነስ ኢንኩቤሽንና ቴክኖሎጂ ስራ ፈጠራ ማዕከል (BiTec) ተማሪዎችን በ11 ቡድኖች በማደራጀት ሰፊ እና ተከታታይ ሥልጠና እንዲሰጣቸው ሲያደርግ እንደነበር ይታወሳል። ይህንን መሠረት በማድረግም በዛሬው ዕለት ተማሪዎች ለውድድር ያዘጋጇቸውን የፈጠራ ሐሳቦች እንዲያቀርቡ እና እንዲወዳደሩ አድርጓል። በቀጣይም በግምገማው ለተመረጡ ቡድኖች ሰፊ እገዛ እና ድጋፍ የሚደረግላቸው ሲሆን ኢንስቲትዩቱ ላቀደው በተማሪዎች ድርጀት የማቁቋም ሐሳብ እገዛ ከማድረግ ባለፈ ተማሪዎቹን ለተሻለ ሥራ እና ትጋት እንዲሁም ዩኒቨርሲቲውን የስኬት 60ኛ ዓመት በዓል እንዲያከብር እገዛ እንደሚያደርግ ይጠበቃል።
የኢንፎርሜሽንና ስትራቴጂክ ኮሚዩኒኬሽን ዳይሬክቶሬት
ቴሌግራም፡- https://t.me/bitpoly
ዌብሳይት፡- https://bit.bdu.edu.et
Share